Google ने आपल्या वापरकर्त्यांसाठी एक बहुप्रतिक्षित आणि उपयुक्त फीचर हळूहळू रोलआउट करण्यास सुरुवात केली आहे. या नव्या अपडेटमुळे आता वापरकर्ते नवीन Google Account तयार न करता थेट आपला Gmail ID बदलू शकणार आहेत. सर्वात महत्त्वाची बाब म्हणजे, वर्षानुवर्षांची ईमेल्स, Google Drive मधील फाइल्स, Photos, YouTube सबस्क्रिप्शन्स किंवा इतर कोणतीही माहिती यावर याचा कोणताही परिणाम होणार नाही.
आतापर्यंत Gmail ID बदलायचा असेल, तर नवीन अकाउंट तयार करण्याशिवाय पर्याय नव्हता. मात्र आता Google ने ही अडचण दूर केली आहे. नव्या फीचरमध्ये जुना Gmail ID alias (उपनाव) म्हणून कायम ठेवला जातो. त्यामुळे जुन्या ईमेल ID वर आलेले सर्व मेल्स आपोआप नव्या Gmail ID वर पोहोचतील.
कोणत्या गोष्टी तशाच राहणार?
Google ने स्पष्ट केले आहे की Gmail ID बदलल्यानंतरही:
- Gmail मधील सर्व जुने मेल्स सुरक्षित राहतील
- Google Drive, Photos, Docs, Sheets मधील डेटा जशास तसा राहील
- YouTube चॅनल, सबस्क्रिप्शन्स आणि कमेंट हिस्ट्री अबाधित राहील
- Google Maps, Play Store खरेदी, Contacts आणि Paid Subscriptions मध्ये कोणताही बदल होणार नाही
Gmail ID कसा बदलायचा? (Step-by-Step)
जर ही सुविधा तुमच्या अकाउंटसाठी उपलब्ध असेल, तर खालील स्टेप्स फॉलो करा:
- Step 1: ब्राउझरमध्ये myaccount.google.com ओपन करून Google Account मध्ये लॉगिन करा.
- Step 2: डाव्या बाजूच्या मेनूमधून “Personal info” या पर्यायावर क्लिक करा.
- Step 3: “Contact info” सेक्शनमध्ये जाऊन “Email” या पर्यायावर टॅप करा.
- Step 4: उपलब्ध असल्यास Gmail address बदलण्याचा पर्याय दिसेल. तिथे नवीन Gmail ID टाका.
- Step 5: OTP किंवा सिक्युरिटी व्हेरिफिकेशन पूर्ण करून बदल कन्फर्म करा.
लक्षात ठेवा
ही सुविधा सध्या phased rollout मध्ये असल्याने सर्व वापरकर्त्यांना एकाच वेळी उपलब्ध नसेल. काही अकाउंट्सवर हा पर्याय दिसायला थोडा वेळ लागू शकतो.
Google च्या या निर्णयामुळे प्रोफेशनल किंवा जुना नावाचा Gmail ID बदलण्याची इच्छा असलेल्या वापरकर्त्यांना मोठा दिलासा मिळाला आहे. Google News साठी ही अपडेट नक्कीच महत्त्वाची मानली जात आहे.
