Samsung News: दक्षिण कोरियाची टेक कंपनी Samsung आपल्या AI-powered स्मार्ट टीव्हींसाठी एक मोठा अपडेट आणण्याच्या तयारीत आहे. कंपनीने जाहीर केले आहे की 2026 पासून Samsung AI TV मध्ये Google Photos सपोर्ट दिला जाईल, ज्यामुळे वापरकर्ते थेट आपल्या टीव्ही स्क्रीनवर Google Photos मधील फोटो आणि व्हिडीओ पाहू शकतील.
Samsung च्या माहितीनुसार, हा सपोर्ट सुरुवातीला 2026 मध्ये लॉन्च होणाऱ्या नव्या Samsung TV मॉडेल्समध्ये उपलब्ध होईल. त्यानंतर टप्प्याटप्प्याने जुन्या Samsung TVs साठी OS अपडेटद्वारे हे फीचर देण्यात येणार आहे.
Google Photos TV वर कसे काम करेल?
नवे फीचर सुरू झाल्यानंतर, वापरकर्त्यांना Samsung TV वर Google Account ने साइन-इन करता येईल. साइन-इन केल्यानंतर त्या अकाउंटमध्ये बॅकअप केलेले फोटो आणि व्हिडीओ थेट टीव्ही स्क्रीनवर दिसू लागतील.
Samsung च्या मते, Google Photos मधील कंटेंट Daily+ आणि Daily Board यांसारख्या इन-बिल्ट TV अनुभवांमध्ये दिसू शकतो. हे फीचर्स दिवसभर फोटो, आठवणी आणि इतर वैयक्तिक कंटेंट दाखवण्यासाठी डिझाइन करण्यात आले आहेत.
मोठ्या स्क्रीनवर आठवणींचा नवा अनुभव
Samsung TV वापरकर्त्यांना Google Photos मधील फोटो लोक (People), ठिकाणे (Places) आणि खास क्षण (Memories) अशा प्रकारे पाहता येतील. मोठ्या स्क्रीनवर स्लाइडशो फॉरमॅटमध्ये फोटो पाहण्याचा अनुभव अधिक प्रभावी असेल, असे कंपनीने सांगितले.
2026 मध्ये टप्प्याटप्प्याने येणारी AI फीचर्स
Samsung आणि Google यांनी सांगितले की हे फीचर्स 2026 मध्ये वेगवेगळ्या टप्प्यांत सुरू होतील:
🔹 Memories (Early 2026)
या फीचरद्वारे लोक, लोकेशन आणि महत्त्वाच्या क्षणांवर आधारित क्युरेटेड फोटो कलेक्शन दाखवले जाईल. हे फीचर पहिल्या सहा महिन्यांसाठी केवळ Samsung TVs वर एक्सक्लुझिव्ह असेल.
🔹 Create with AI (Later 2026)
या फीचरमध्ये AI-based क्रिएटिव्ह टेम्पलेट्स असतील. Google च्या इमेज जनरेशन आणि एडिटिंग टेक्नॉलॉजीचा वापर करून फोटोचा आर्ट स्टाइल बदलणे किंवा फोटोचे लहान व्हिडीओ क्लिपमध्ये रूपांतर करता येऊ शकते.
🔹 Personalised Results (Later 2026)
या फीचरमुळे वापरकर्त्यांना ठिकाणे, प्रवास, उपक्रम यावर आधारित फोटो स्लाइडशो पाहता येतील.
Samsung ने स्पष्ट केले आहे की काही निवडक AI क्रिएटिव्ह टेम्पलेट्स फक्त Samsung TVs साठी एक्सक्लुझिव्ह असतील.
