भंडारा | प्रतिनिधी
भंडारा नगर परिषदेत सध्या राजकीय घडामोडींना वेग आला असून भाजप गटाच्या नगराध्यक्ष मधुरा मिलिंद मदनकर यांना पक्षातील गटनेते व पदाधिकाऱ्यांनी बिनशर्त पाठिंबा जाहीर केला आहे. नगर परिषदेत स्थैर्य कायम राखणे तसेच शहराच्या सर्वांगीण विकासकामांना गती देणे, या उद्देशाने हा पाठिंबा देण्यात आल्याचे स्पष्ट करण्यात आले आहे.
शिवसेना गटनेते राजेश रामचंद्र धुर्वे यांनी नगराध्यक्षांना उद्देशून पाठविलेल्या पत्रात, भंडारा शहरातील पाणीपुरवठा, सांडपाणी व्यवस्था, रस्ते, सार्वजनिक सुविधा तसेच विविध विकास प्रकल्प सुरू ठेवण्यासाठी सक्षम व स्थिर नेतृत्व आवश्यक असल्याचे नमूद केले आहे. नगराध्यक्ष मधुरा मिलिंद मदनकर यांच्या नेतृत्वाखाली नगर परिषदेत विकासाभिमुख धोरण राबवले जात असून, आगामी काळातही सर्व नगरसेवकांनी एकत्रितपणे काम करण्याची भूमिका त्यांनी मांडली आहे DocScanner 13 Jan 2026 6-18 pm ….
पत्रात पुढे नमूद करण्यात आले आहे की, राज्यातील बदलत्या राजकीय परिस्थितीत शहराच्या हितासाठी पक्षांतर्गत मतभेद बाजूला ठेवून नगराध्यक्षांना संपूर्ण पाठिंबा देणे आवश्यक आहे. नगर परिषदेतील सर्व विकासकामे, नागरिकांच्या मूलभूत सुविधा आणि शहराचा सर्वांगीण विकास यासाठी शिवसेना गट नगराध्यक्षांच्या पाठीशी ठामपणे उभा आहे.
या बिनशर्त समर्थनामुळे भंडारा नगर परिषद मधील सत्तास्थैर्य अधिक बळकट झाले असून, आगामी काळात शहराच्या विकासाला चालना मिळेल, असा विश्वास व्यक्त केला जात आहे.
