गोंदिया :राज्याचे उद्योग व सार्वजनिक बांधकाम (सार्वजनिक उपक्रम) मंत्री तथा गोंदिया जिल्ह्याचे पालकमंत्री ॲड. इंद्रनील नाईक आज, सोमवार (२० जानेवारी) रोजी गोंदिया जिल्ह्याच्या दौऱ्यावर येत आहेत.
या दौऱ्यात पालकमंत्री नाईक विविध शासकीय कार्यक्रमांना उपस्थित राहणार असून, जिल्ह्यातील विकासकामांचा आढावा घेणार आहेत. सकाळी जिल्हाधिकारी कार्यालयात जिल्हा नियोजन समितीची आढावा बैठक होणार आहे. या बैठकीत विकास प्रकल्पांची सद्यस्थिती, रखडलेल्या कामांबाबत चर्चा तसेच आगामी योजनांवर निर्णय घेतले जाणार आहेत.
यानंतर ते विविध विभागांच्या अधिकाऱ्यांशी संवाद साधून नागरिकांच्या समस्या जाणून घेणार आहेत. आदिवासी विकास, उद्योग, सार्वजनिक बांधकाम तसेच जिल्ह्यातील पायाभूत सुविधांच्या प्रगतीवर विशेष लक्ष दिले जाणार आहे.
पालकमंत्र्यांच्या दौऱ्यामुळे जिल्ह्यातील विकासकामांना गती मिळेल, अशी अपेक्षा प्रशासनासह नागरिकांनी व्यक्त केली आहे.
